بسم الله الرحمن الرحيم
الناس اللي نازلة ميادين مصر كلها .. والناس اللي بتدافع عن رجوع لشرعية .. الناس دي لا بتدافع عن رئيس ولا فصيل .. الناس دي بتدافع عن مبدأ وعن حق .. ممكن تكون انت مش شايفه حق ..لكن غيرك كتيييير ملايين شايفينه حق !!
طيب ..
فاكرين ايام ثورة يناير !! ساعتها الناس اتقسمت 3 اقسام .. ناس شافت ان الثورة دي هي الحق ودافعت عنها لأنها جزء من مبادئها وشاركت فيها .. وناس تانية فضلت السكوت لمجرد إنها شايفة إن اللي بيحصل فتنة .. وناس فضلت تنضم للباطل .. وآخر طرفين شافوا ان الطرف الأول ده باطل مع إنه كان على الحق .. وعدت الأيام واتعرف مين اللي كان مع الحق ومين اللي وقف مع الباطل !! .. وده اللي بيحصل دلوقتي بالمللي .. الايام بتكرر نفسها !!
دلوقتي انت قدامك معطيات .. قدامك دولة مبارك بترجع تاني .. قدامك دستورك اللي الشعب استفتى عليه - بغض النظر عن انك كنت موافق عليه ولا لأ - اتعطل بدون حتى اللجوء للشعب اللي رضي الدستور ده .. قدامك ناس سلميين نازلة تقول لأ لكل اللي بيحصل من ظلم ده وبتتقتل وبتتشوه صورتهم !!
لسه دلوقتي مش عارف الحق فين والباطل فين !!
ليست هناك تعليقات:
إرسال تعليق